د افغانستان كمزورې آبادي په انساني بنيادونو د مرستې وركړې او د نړيوالې ټولنې لخوا د معاشي ګډون سخت ضرورت دے. د وزيراعظم عمران خان د او آئي سي سېكرټري جنرل سره په ملاقات كښې خبرې

APP19-191221 ISLAMABAD: December 19 - Prime Minister Imran Khan and Secretary General OIC H.E. Hissein Brahim Taha at the 17th Extraordinary Session of OIC Council of Foreign Ministers at Parliament House. APP

اسلام آباد 19دسمبر (اے پي پي) وزيراعظم عمران خان وئيلي دي چې د افغانستان كمزورې آبادي په انساني بنيادونو د مرستې وركړې او د نړيوالې ټولنې لخوا د معاشي ګډون سخت ضرورت دے. ده دا خبرې د اسلامي مرستې تنظيم د خارجه وزيرانو د كونسل د 17مې غېر معمولي غونډې په موقع د او آئي سي سېكرټري جنرل حسېن ابراهيم طه سره د ملاقات په مهال وكړې. د اتوار په ورځ د وزيراعظم دفتر د مېډيا څانګې لخوا جاري شوي بيان له مخې وزيراعظم عمران خان د او آئي سي سېكرټري جنرل د پاكستان د وړومبې دورې هركلې وكړو او د او آئي سي كونسل د خارجه وزيرانو د كونسل په غېر معمولي غونډه كښې ئې په ګډون كولو د ده مننه وكړه. ده په افغانستان كښې امن او استحكام لپاره د او آئي سي هڅې وستائيلې. ده د افغانستان كمزورې ابادې لپاره په انساني بنيادونو د مرستې او د نړيوالې ټولنې لخوا د معاشي مذاكراتو د ضرورت اهميت په ډاګه كړو. وزيراعظم په ټوله نړۍ كښې مسلمانانو ته ورپېښ د اسلاموفوبيا چېلنج هم په ډاګه كړو. ده تجويز وركړو چې او آئي سي دې د ټولې نړۍ خلق حضرت محمد صلی الله عليه وآله وسلم سره د مسلمانانو د محبت او عقيدت مندې نه خبرولو لپاره مشري وكړي. وزيراعظم په مقبوضه جمو و كشمير كښې د بشري حقونو څخه په سختو سرغړونو ژوره اندېښنه وښودله. د او آئي سي لخوا د كشميريانو د ملاتړ ستائنه كولو سره ده د آو آئي سي سېكرټري جنرل ته خواست وكړو چې هغه دې د ملګرو ملتونو د سلامتي كونسل د قراردادونو له مخې د جمو و كشمير شخړې حل لپاره ملاتړ روان وساتي. د او آئي سي سېكرټري جنرل د افغان اولس د انساني بحران مخ نيوي لپاره د وزيراعظم عمران خان په مشرې كښې د او آئي سي د خارجه وزيرانو د كونسل په غېر معمولي غونډه رابللو مننه وكړه. ده په پاكستان كښې په بشپړه كوربتوب د پاكستان او د پاكستان د اولس هم مننه وكړه.

مضمون کا ماخذ : پاور بال کا ٹکٹ