اسلام آباد 27 اکتوبر (اے پي پي) د دفاع وزير خواجه محمد آصف وئيلي دي عمران خان د پاكستان پوځ په نخښه كړے٬ عمران خان خپلو مفاداتو لپاره د هرې خبرې قيمت لګولو لپاره چمتو كېږي٬ عمران خان قام ھغه ډګر ته رسولے د كوم محور چې يواځې ذاتي اقتدار دے ٬ د پاکستان سالميت، د بې ګناه خلقو وينه او د ادارو عزت د ھغه په نزد هېڅ اهميت نه لري٬ په نړۍ كښې شايد چې يو داسې هېواد وي د كوم چې دا مهال هم د ترهګرۍ په ضد جنګ كښې وينه بهښېږي٬ د هېواد آئين او قانون او د شهيدانو وينه رياست او قام لپاره سره كرښه ده ، په ھغې د اوړېدو اجازه نشي وركړې كېدې٬ پوځ د دې پاكې خاورې دے د كوم يو فرد نه دے، د دوي قربانۍ دې پاكې خاورې لپاره دي ٬ د چا د اقتدار تحفظ لپاره نه دي۔ د زيارت په ورځ پرېس كنفرنس ته خپلې وېنا كښې دفاع وزير ووئيل ادارو پرېكړه كړې چې مونږ له غېر سياسي پاتې كېدل دي خو په دې پرېكړه عمران خان د نيوټرل لفظ نه كنځل جوړ كړي ٬ ځكه چې دوي د غېر آئيني كردار لوبولو نه انكار كړے۔ ده ووئيل نن عمران خان پاكستاني قام ته په اصل او په تفصيلي توګه معرفي كړے شوے۔ ده ووئيل كه د ادارې دا پرېكړه ده مونږ ئې احترام كوٶ۔ ده ووئيل مونږ د 75 كالو راهسې دا مطالبه كوله او نن مونږ دا منزل موندلے دے نو پكارده چې مونږ ئې تحفظ كړے ؤ مونږ دغې نه كنځل جوړ كړي ځكه چې دا د عمران خان مفاداتو سره مطابقت نه لري، ده ووئېل عمران خان ټولې ادارې د خپل ذات تابع كول غواړي چې پكښې پارلمان٬ عدليه٬ الېكشن كمېشن او د پاكستان پوځ شامل دے، عمران خان د فرد واحد حکمراني قائمول غواړي۔ ده ووئيل عمران خان د منع كولو باوجود سائفر راپورته كولو سره دا د نېشنل سكيورټي مسئله ګرځولې او دا ئې خپل سياست لپاره استعمال كړې او دا د هغه د جعلسازۍ آډيو ټېپ څخه هم برېښي په كوم كښې چې هغه وائي چې مونږ به يواځې ګېم كوٶ۔ ده ووئيل عمران خان په سائفر د هېواد عزت سره لوبې كوي٬ زمونږ نړيوالې اړيكې تباه شوي او يواځې پوائنټ سكورنګ لپاره د پاكستان رياست عزت تباه كېږي ۔ ده ووئيل عمران خان د ارشد شريف مرګ نه هم د سياسي كاروبار جوړولو هڅه كړې٬ د چا د عزت خيال نه ساتي، ارشد شريف بهر څنګه تللے ٬ عمران خان وائي ما خپله بهر لېږلے او زه دا معلومات لرم چې ھغه ته د چا نه خطر ٶ۔ ده پوښتنه وكړه چې آيا كله دې راوبللے شي نو چې نامې اوښايه نو د چا نامې به واخستلې شي؟ خواجه محمد آصف ووئيل ارشد شريف د دبئۍ نه كينيا ته چا لېږلے٬ په دې مهم پرېس كنفرنس كښې د ھغه د اجر هم نامه راځي۔ ده ووئيل اوس به په د تورو سپينو په مېنځ كښې خبرې كېږي٬ عمران خان ټول حدود كراس كړي او ادارې چې د كوم تحمل څرګندونه كړې او د خپل غېر سياسي كېدو د كردار پرېكړه ئې كړې د دې مونږ هركلے كول غواړو۔ د يوې پوښتنې په ځواب كښې خواجه محمد آصف ووئيل د ارشد شريف د كورنۍ او د صحافتي ورورولۍ په غم كښې برابر شريك يو، د پرېس كنفرنس مقصد دا دے چې څوك د ھغه د مرګ سياسي ګټه پورته كول غواړي د ھغې نه هم قام اګاه كړے شي۔ د يوې پوښتنې په ځواب ده ووئيل كه يوې ادارې خپل كردار په آئيني حدود كښې د پاتې كېدو په جار اظهار كړے نو د پوځ قيادت ته په دې موقف پېرزوئنې وړاندې كړٶ، دفاع وزير ووئېل حکمران اشرافيه او نورو ادارو له هم د دوي تقليد پكار دے چې مونږ به د اولس نه سوا د چا نه مرسته نه غواړو، د ماضي غلطو كه څوك اعتراف كوي نو په ھغې دوي ته پېرزوئنې وړاندې كول پكار دي٬ دا يوه تاريخي لمحه ده۔ د يوې بلې پوښتنې په ځواب خواجه آصف ووئيل مونږ به دا هڅه كوٶ چې د لانګ مارچ د صورتحال سول آرمډ فورسز مخنيوې وكړي دغسې چې كوم داسې صورتحال پېدا نه شي
عمران خان د پاكستان پوځ په نخښه كړے٬ عمران خان خپلو مفاداتو لپاره د هرې خبرې قيمت لګولو لپاره چمتو دے ۔ د دفاع وزير خواجه محمد آصف پرېس کنفرنس
مضمون کا ماخذ : نتیجہ میگا سینا
متعلقہ مضامین
