اسلام آباد۔31اکتوبر(اے پی پی) وفاقی وزیر قانون، انصاف تے انسانی حقوق سینیٹر اعظم نذیر تارڑ نال پاکستان اچ یو این ویمن اتے انٹرا ایجنسی جینڈر اینڈ ڈویلپمنٹ گروپ (آئی این جی اے ڈی) دے نمائندیں ملاقات کیتی ۔ ملاقات دا مقصد پاکستان اچ صنفی مساوات اتے تریمتاں دے حقوق دے ودھارے سانڳے قومی عزم کوں مزید تقویت ݙیوݨا اے۔ ملاقات اچ یو این ویمن دی ماریا ہولٹسبرگ، کامن ویلتھ اینڈ ڈویلپمنٹ آفس دے اینڈریو بوڈن اتے یورپی یونین دے جیرون ولیمزدے علاوہ اہم بین الاقوامی نمائندے وی شریک ہن ۔انھاں نمائندیں وفاقی وزیر کوں عالمی تجربیں دا ݙسائے تے پاکستان اچ مضبوط صنفی بنیاد تے ڈھانچے اتے آگاہی پروگراماں دی تشکیل اچ بین الشعبہ جاتی تعاون دی اہمیت کوں اجاگر کیتے۔ایں اعلی سطحی مکالمے اچ پاکستان اچ تریمتاں کوں پیش آندے مسئلے تے رکاوٹاں مکاوݨ سانڳے حکمت عملیاں اتے ہدفی اقدامات تے زور ݙتا ڳئ?? ۔ وزارت انسانی حقوق توں جاری پریس ریلیزموجب اعظم نذیر تارڑ حکومت دے تریمتاں دے حقوق دے ودھارے تے مسلسل اقدامات تے روشنی پاتی جیں اچ دفتران اچ تریمتاں کوں ہراساں کیتے ونڄݨ دے خلاف تحفظ دا قانون اتے تریمتاں دی جائیداد دے حقوق دا نفاذ جیھے اہم قوانین شامل ہن۔ انھاں کوششاں دا مقصد پاکستان دے بین الاقوامی معاہدیں، جیویں جو تریمتاں دے خلاف ہر قسم دے ام??یا??ی سلوک مکاوݨ دے کنونشن (سی ای ڈی اے ڈبلیو) دے تحت کیتے ڳئ?? وعدے کوں پورا کرݨ اے جیں توں تریمتاں سانڳے مساوی موقع تے تحفظ یقینی بݨایا ونڄ سڳے وفاقی وزیرمزید آکھیے جامع اتے شراکتی طریقے دی اہمیت کوں منیندے ہوئیں وزارت انسانی حقوق مقامی اتے بین الاقوامی شراکت داراں نال رل تے صنفی بنیاد تے تشدد مکاوݨ اچ مردا?? تے چھوہراں کوں اتحادی دے طور تے رلیندی پئی اے صنفی بنیاد تے تشدد مکاوݨ اچ مرداں دی شمولیت سانڳے قومی حکمت عملی، جیڑھی یو این ایف پی اے تے پاکستانی این جی او روزن دی سانجھ نال ??یا?? کیتی ڳئ?? اے دا مقصد معاشرتی تبدیلی کوں ودھارا ݙیوݨ اے جیں دے تحت ضیان دہ صنفی تصورات کوں چیلنج کیتا ونڄ سڳے تے تشدد دے خلاف مرداں دی ذمہ واری کوں ودھارا ݙتا ونڄے ۔وزارت انسانی حقوق اقوام متحدہ دی مختلف ایجنسیاں نال رل تے صنفی مرکوز اقدامات کوں اڳوں ودھیندی پئی اے ۔ اہم شراکت داریاں اچ اقوام متحدہ تریمتاں نال مشترکہ ورک پلان، یونیسیف نال ھک رولنگ ورک پلان اتے یو این ڈی پی نال کاروبار اتے انسانی حقوق تے قومی ایکشن پلان تے ع??ل درآمد شامل ہن۔ اے کوششاں تریمتاں کوں مزید بااخ??یا?? بݨیسن ، قومی ترقی اچ انھاں دے کردار کوں مستحکم کریسن ھک مزید جامع معاشرے دی تشکیل اچ مدد ݙیسن۔
