انقره 01 جون (اے پي پي) وزيراعظم شهبازم شريف د پاكستان او تركيې ترمېنځه د ستراتېژيكي اړيكو د مركزي جزو په توګه د قومي اقتصادي شركت د ودې په اهميت زور راوړے، د دواړو هېوادونو ترمېنځه د پېړو پخوانې اړيكې، د محبت، مينې، شريكې ژبې، كلتور او مذهبي ورثې په قوي بنيادونو ولاړې دي، پاكستان د مذاكراتو او سفارت كارې د لارې د يوكرېن د شخړې زر تر زره حل غواړي. د شورو په ورځ جاري شوې اعلاميې له مخې وزيراعظم شهباز شريف د تركيې صدر رجب طيب اردوان سره ملاقات وكړو. په انقره كښې صدارتي محل ته په راتګ صدر رجب طيب اردوان د وزيراعظم تود هركلې وكړو. خارجه وزير بلاول بهټو زرداري، د دفاع وزير خواجه محمد آصف، د تجارت وزير سيد نويد قمر، د اطلاعاتو او خپرونو وفاقي وزيره مريم اورنګزېب، د وزيراعظم خاص مرستيال طارق فاطمي، فهد حسېن او اعلٰی چارواكي هم وزيراعظم سره وو. صدارتي كمپلېكس ته په رسېدو د وزيراغظم ګارډ آف آنر سره تود هركلې وكړے شو. د دواړو هېوادونو قومي ترانې وغږول شوې. دواړو مشرانو يو بل سره خپل پلاوي معرفي كړل. دواړو مشرانو د پلاوو نه بغېر ملاقات وكړو او بيا د پلاوو په كچه مذاكرات وشول. وزيراعظم شهباز شريف ووئيل چې د دواړو هېوادونو د سفارتي اړيكو سږ كال 75مه سالګره لمانځو. وزيراعظم ووئيل چې دواړو هېوادونو په سخت وخت كښې تل د يو بل مرسته كړې او د دوستې دا اړيكې راتلونكو نسلونو ته منتقل شوې. ده واضحه كړه چې د دواړو هېوادونو ترمېنځه اړيكو د باور، تفاهم او شريكې مرستې د لارې ځانګړې پاتې شوې دي. دواړو هېوادونو د تجارت، سرمايه كارې او د دفاع پشمول په بېلا بېلو څانګو كښې د شريكې مرستې په مستحكم كولو خبرې وكړې. وزيراعظم د دواړو هېوادونو ترمېنځه د داسې ستراتېژيكي اړيكو په اهميت زور راوړ چې مركزي نقطه ئې معاشي شركت ته وده وركول وي. اعلٰی ستراتېژيكي مرسته او ستراتېژيكي اقتصادي فرېم ورك د شريكې مرستې په وده كښې مهمه ذريعه وګرځول شوه. دواړو مشرانو په ستمبر كښې د اعلٰی كچې د ستراتېژيكي مرستې په پاكستان كښې په كولو اتفاق وكړو چې دغسې په دې عمل كښې نور پرمختګ وشي. وزيراعظم ووئيل چې پاكستان په جون كال 2022م كښې د تركيې د تجارتي پلاوي د هركلي كولو په انتظار دے. ده د تركيې سرمايه كارو ته په پاكستان كښې په بېلا بېلو څانګو كښې د سرمايه كارې كولو بلنه وركړه. وزيراعظم ووئيل چې هغه به باوړي كوي چې د تركيې كمپنو ته هر ډول ممكنه اسانيې وركړې شي. د جمو و كشمير شخړې په اړه د تركيې د غېر متزلزل او اصولي ملاتړ په اړه وزيراعظم ووئيل چې په دې شخړه د صدر طيب اردوان دريځ كشميري او پاكستاني اولس لپاره د تقويت وړ دے. ده د دې منصفانه هڅو د تركيې د مشرتابه او اولس د ملاتړ مننه وكړه. ده په منطقه كښې او بهر امن او سلامتيا لپاره د تركيې د شركت ستائنه وكړه او د تركيې د مهمو مفاداتو په چارو ئې د پاكستان د مرستې او يووالي څرګندونه وكړه. د افغانستان په اړه شهباز شريف د تركيې انساني مرسته او تعيميري خبرې وستائيلې. ده ووئيل چې پاكستان به د افغانستان د ګاونډي هېواد په حېث د اوسنيو چېلنجونو او په خاص توګه د انساني بحران صورتحال او معاشي بد حالې د چېلنج مخ نيوي لپاره مرسته كوي او د افغان اولس ملګرتيا به كوي. دواړو هېوادونو سوله ايز، مستحكم او د خوشحال افغانستان شريك اهدافو لپاره په ګډه د كار په روان ساتلو اتفاق وكړو. وزيراعظم د روسيې يوكرېن شخړې سفارتي حل لپاره په مذاكراتو كښې په سهولت د صدر طيب اردوان ستائنه وكړه او وې ئيل چې پاكستان د سفارتكارې د لارې زر تر زره د يوكرېن د شخړې حل غواړي. دواړو مشرانو د يوكرېن شخړې په نتيجه كښې پېدا شوي د خوراك تحفظ په چېلنج هم خبرې وكړې او د دې مخ نيوي لپاره ئې په اقداماتو كولو اتفاق وكړو. دواړو مشرانو د دواړو هېوادونو ترمېنځه د تفاهم د شپږ يادښتونو په دستوره كښې ګډون وكړو. دواړو هېوادونو د درې كلونو په مهال د شريك تجارت حجم 5 اربه ډالرو ته د رسولو د عزم څرګندونه وكړه. په دې موقع د دواړو هېوادونو ترمېنځه د سفارتي اړيكو په 75 كاله ترسره كېدو شريكه لوګو جاري كړې شوه. دواړو مشرانو اتفاق وكړو چې په دواړو هېوادونو كښې به دا سالګره په ښه ډول لمانځلې شي. دواړو مشرانو شريك خبري كانفرنس ته وېنا وكړه. وزيراعظم شهباز شريف په تود هركلي او مېلمستيا كولو د هغه مننه وكړه. وزيراعظم صدر رجب طيب اردوان ته د پاكستان د دورې كولو بلنه وركولو سره ووئيل چې د پاكستان اولس د هغه د بشپړه هركلي كولو په انتظار دے. دواړو مشرانو د پاكستان او تركيې اړيكې نوې لوړې كچې ته رسولو لپاره په نزدې رابطه اتفاق وكړو.
د وزيراعظم شهباز شريف د تركيې دوره، د ستراتېژيكي اړيكو او د قومي اقتصادي شركت په وده زور، دواړو هېوادونو د تجارت، سرمايه كارې او دفاع پشمول په بېلا بېلو څانګو كښې د شريكې مرستې په مستحكم كولو خبرې وكړې، اعلاميه جاري
مضمون کا ماخذ : raspadinha آن لائن
متعلقہ مضامین
.jpg)
