اسلام آباد ۔ 5 نومبر (اے پی پی)چیئرمین سینیٹ سینیٹر صادق سنجرانی آکھیے جو پاکستان خطے اچ امن چاہندے ،مسئلہ کشمیر دا اقوام متحدہ دیاں قرارداداں دے مطابق پر امن حل چاہندون ،پاکستان سرمایہ کاری کیتے چنگاں ملک اے ،سوئٹزر لینڈ دے سرمایہ کار پاکستان اچ سرمایہ کاری دے موقعیں توں فائدہ چاون اے گال انہاں منگل کوں سوئٹزر لینڈ دے پارلیمنٹ ہاﺅس دورے تے آئے وفد نال گال مہاڑ کریندے ہوئی?? آکھی اے ۔ وفد دی قیادت سوئٹزرلینڈ دی ریاستاں دی کونسل دے صدر جین رینے فرنیئر کریندے پن۔سوئٹزر لینڈ دے پارلیمانی وفد پارلیمنٹ ہاوس پجا تاں چیئرمین سینیٹ محمد صادق سنجرانی اتے ڈپٹی چیئرمین سینیٹ سلیم مانڈوی والاانہاں دا استقبال کیتا۔ وفد چیئرمین سینیٹ اتے ڈپٹی چیئرمین سینیٹ نال انجھ انجھ ملاقات کیتی ۔ ایں موقع تے چیئرمین سینیٹ آکھیا جو پاکستان سوئٹزر لینڈ نال اپنڑے ڈو پاسے دے تعلقات کوں قدر دی نگاہ نال ڈیکھدے،اساڈی خواہش اے جو ڈو پاسے تعاون کوں کثیر الجہتی شعبیں اچ ودھایا ونجے ،انہا?? آکھیے جو پاکستان تے سوئٹزر لینڈ ہک ڈوجھے دے تجربیں توں بہوں کجھ سکھ سگدن ۔ادارہ جاتی تعاون و پارلیمانی وفد دے تبادلے تکھے کرنڑیں چاہیدن۔ پاکستان خطے اچ امن چاہندے ۔انہا?? آکھیے افغان امن عمل دی حمایت جاری رکھیسوں‘افغانستان اچ امن پاکستان دے مفاد اچ اے ۔ انہا?? آکھیے جوپاکستان گوادر دے ذریعے خطے نال رابطہ کاری کوں ودھاونڑ چاہندے ۔ گوادر پاکستان کوں خطے دا تجارتی مرکز بنڑاونڑ دی صلاحیت رکھیندے ۔انہا?? آکھیے جو پاکستان دا دورہ کرنڑ تے سوئٹزرلینڈ دے وفد دے شکر گزار ہوں تے امید اے جو ایں دورے دے مثبت نتیجے سامنڑے آسن ۔ایں موقع تے رہنما سوئس پارلیمانی وفد آکھیا جو میکوں پاکستان دا دورہ کر تے وڈی خوشی تھئی اے ‘ اساں کیتے پارلیمانی سفا??ت کاری رابطے کوں اگی تے ودھاونڑ اچ بہوں اہم اے ،اساڈے دورے دا مقصد ہی پارلیمانی رابطے تے ڈو پاسے تعاون ودھاونڑ اے ۔ رہنما سوئس پارلیمانی وفد آکھیا جو اساڈی خواہش اے جو پارلیمانی، تجارتی و اقتصادی تعاون کوں مزید مستحکم کیتا ونجے ۔ایں موقع تے ڈپٹی چیئرمین سینیٹ سلیم مانڈوی والاآکھیے جو پاکستان سوئٹزر لینڈ تعلقات دی تاریخ اچ اج نواں باب رقم تھی گے ‘سوئٹزر لینڈ دے وفد دا پاکستان دا پہلا دورہ بہوں خوشی دی گال اے ۔ ڈپٹی چیئرمین سینیٹ آکھیا جو اساں تعلقات کوں ودھارے آلے پاسے گھن ونجنڑ چاہندوں ۔
سوئٹزر لینڈ دے پارلیمانی وفد دا پارلیمنٹ ہاوس دا دورہ پاکستان خطے اچ امن چاہندے ‘مسئلہ کشمیر دا اقوام متحدہ دیاں قراردادوں دے مطابق حل چاہندوں‘چیئرمین سینیٹ سینیٹر صادق سنجرانی
مضمون کا ماخذ : سلور لائونیس 4x ضرب
متعلقہ مضامین
