اسلام آباد 23 مارچ (اے پي پي) د سېنېټ چيئرمېن محمد صادق سنجراني د پاكستان ورځې په اړه په خپل خاص پېغام كښې وئيلي دي چې مونږ لپاره د مارچ 23مه نېټه په تاريخي اعتبار ډېره مهمه ورځ ده ځكه چې په دې ورځ زمونږ مشرانو د قائداعظم محمد علي جناح په مشرې كښې د خپل تقدير بدلولو پرېكړه كړې وه او جلا وطن جوړولو لپاره ئې د هڅو لائحه عمل اختيار كړې وه، دوي په كال 1940م كښې د مارچ په 23مه نېټه د پاكستان جوړلو بنياد ايښې و.ده ووئيل چې په هېواد كښې ستونزې ډېرې دي او د دې حل كولو لپاره په ګډه كار كولو ته ضرورت دے. ده ووئيل چې پاكستان محبت كوونكې هېواد دے او د ټولو ستونزو سوله ايز حل غواړي. مونږ نړۍ ته د امن پېغام وركوو خو كه چا هم زمونږ خپلواكي او سيمه ايزه سلامتيا چېلنج كړه نو دا هېواد د دې د بشپړ ځواب وركولو صلاحيت لري. ده ووئيل چې د پاكستان پوځ نه يوازې د هېواد دفاع باوري كړې بلكې د جعرافيائي پولو تحفظ لپاره ئې عزم هم لوړ كړے او د نړۍ په غوره او نه يرېدونكي پوځونو كښې شمېرل كېږي. ده ووئيل چې د قائداعظم محمد علي جناح افكار او اصول عملي كولو سره د پاكستان ټولې ستونزې حل كېدې شي. په چېلنجونو قابو موندلو لپاره د شريكو هڅو كولو ضرورت دے. د سېنېټ ډپټي چيئرمېن مرزا محمد آفريدي قوم ته د پاكستان د ورځې مباركي وركولو سره ووئيل چې په نننۍ ورځ په لاهور كښې د قائداعظم محمد علي جناح په مشرې كښې هغه تاريخي قرارداد منظور كړے شوے كوم چې بيا وروستو د قرارداد پاكستان په نوم مشهور شو. دې قرارداد د منزل واضح شعور وركړو او يوازې 7 كاله پس پاكستان جوړ شو. ده ووئيل چې راځي پوخ لوظ وكړو چې وطن لپاره به د علامه محمد اقبال او قائداعظم محمد علي جناح افكار د لارې مشال جوړوو. الله تعالٰی دې زمونږ د ټولو حامي و ناصر وي.
د سېنېټ چيئرمېن محمد صادق سنجراني او د ډپټي چيئرمېن مرزا محمد آفريدي لخوا د پاكستان ورځې په موقع پېغام
مضمون کا ماخذ : ایشیا ڈریگن
متعلقہ مضامین
