اسلام آباد 10 دسمبر (اے پي پي) وزيراعظم عمران خان﴿نن﴾ د جمعې په ورځ په يوه ورځنې دوره كراچې ته روان شو. د وزيراعظم دفتر د مېډيا څانګې لخوا په جاري شوي بيان كښې وئيلي شوي دي چې د اطلاعاتو او خپرونو وفاقي وزير چوهدري فواد حسېن هم وزيراعظم سره دے. وزيراعظم به په كراچې كښې د ګرين لائن بس رېپډ ټرانزټ سسټم د پروژې پرانسته كوي. د 35.5 اربه روپو په رقم سره ترسره كړې شوې دا پروژه د وفاقي حكومت لخوا د سندھ او په خاص توګه د كراچې اولس لپاره يوه ډالې ده. دا پروژه به هره ورځ 135000 مسافرو ته د سفر اسانيې وركړي. وزيراعظم به په دې موقع دستورې ته وېنا هم كوي. د دې څخه وړاندې به وزيراعظم د صوبې انتظامي او سياسي چارو په اړه په ګورنرهاٶس كښې د بېلا بېلو غونډو مشري كوي. وزيراعظم به د اېنګرو پوليمر پلانټ اېكپېنشن مخ كتنه هم كوي.
مضمون کا ماخذ : کمپیوٹر لاٹری کا ٹکٹ
