اسلام آباد 15 دسمبر (اے پی پی) د خارجه دفتر وياند نفیس ذکریا په ډاګه كړې پاکستان كښې داعش كوم منظم شتوالې نه لري ، پاکستان هند سره د کشمیر پشمول ټولې مسئلې د خبرو اترو د لارې په امن حل كولو باور لري، د هند منفی رویه د خبرو اترو په لاره كښې لوئ خنډ دے ، پاکستان د کشمیر شخړه د کشمیری اولس د هيلو او د ملګرو ملتونو سلامتی کونسل قراردادونو د لارې هوارولو له پخپل اصولی موقف ولاړ دے۔ د دې خيالاتو څرګندونه ده د زيارت پھ ورځ اوونيز پرېس بریفنګ په مهال د خبريالانو د پوښتنو ځواب وركولو كښې وكړه۔ وياند د پاکستان وېشلو په اړه د هندي خارجه وزير راج ناتھ بیان سخته غندنه كولو سره دا يوه بې بنسټه ډنډوره وګرځوله ۔ ده ووئيل د راج ناتھ بیان پاکستان كښې د هندي استخباراتي ايجنسۍ لخوا د تخریبی هلو ځلو او كورنيو چارو كښې د لاس وهني ښكاره اعتراف او د نوې ډيلې لخوا سيمه كښې د عدم استحکام خپرولو په اړه د پاکستان د موقف تائید دے۔ ده ووئيل پاکستان هند سره د کشمیر پشمول ټولې مسئلې د خبرو اترو د لارې په امن حل كولو باور لري۔ پاکستان تل خبرو له د ښه چاپيرچل پیدا کولو هڅه كړي خو هند چرې هم زمونږ د وړانديز مثبت ځواب نه دې راكړے۔ ده ووئيل د هند منفی رویه د خبرو په لاره كښې لوئ خنډ دے۔ ده ووئيل نړيوالې ورورولي هم د پاکستان د موقف څخه خبر ده۔هند كښې په اقلیتونو د ظلمونو په اړه د يوې پوښتنې په ځواب وياند ووئيل نړيوالې ورورولۍ هند كښې د اقلیتونو سره په ناوړه سلوك د تشویش څرګندونه كړې۔ ده ووئيل د تيرو څو مياشتو په مهال هند كښې 200 څخه زيات چرچونه سوزولې شوي دغسې په مقبوضه کشمیر كښې مسلمانان د عید میلاد النبیؐ په موقع د سیرت کنفرنس څخه منع كړې شوي۔ ده ووئېل دې نه ځانله د جمعې مونځ په اجتماع د وړاندې نه بنديز لګولې شوے۔ وياند ووئيل پاکستان د ترهه ګرۍ ختمولو لپاره كوټلې ګامونه بورته كړي ، د امریکې ۔ اروپائي ائتلاف پشمول نړيوالې ورورولۍ د ترهه ګرۍ په ضد جنګ كښې د پاکستان د قربانیو او کامیابیو اعتراف کړے۔ ده ووئيل پاکستان كښې د داعش کوم منظم شتوالې نشته ، د حقانی، القائدہ پشمول د نورو ترھه ګرو ډلو مشران افغانستان كښې وژلې شوي ۔ ده ووئيل پاکستان د ترهه ګرۍ خطر څخه خبر دے او په دې لړ كښې د افغانستان او امریکې لخوا مرستې ته اړتيا ده۔ وياند ووئيل پاکستان افغانستان كښې امن له لوظي دے۔ پاکستان افغانستان كښې امن له هڅې پيل كړې خو د ملا عمر او د ملا اختر منصور د مرګ سره ټول عمل ځپلے شوے۔ ده ووئېل افغانستان كښې امن سيمه كښې امن او استحکام له ضروری دے
پاکستان كښې داعش كوم منظم شتوالې نه لري
مضمون کا ماخذ : loteria Ceará
متعلقہ مضامین
