اسلام آباد۔3دسمبر (اے ??ی پی):صدر ??مل??ت ڈاکٹر عارف علوی خصوصی لوکاں ، معذوری دا خصوصی خیال رکھݨ دی لوڑھ تے زور ݙیندے ہوئیں آکھیے جو انہاں کوں معاشرے دا مفید شہری بݨاوݨ کیتے تعلیم اتے ملازمتاں اچ ٻئے شہریاں دے مساوی اتے سازگار موقع ݙتے ونڄن، معذور لوکاں کوں مالی طور تے خودمختار بݨاوݨ تے آپݨے پیراں تے کھڑا کرݨ کیتے ہنر تے تربیت ݙیوݨ دی لوڑھ اے ، احساس پروگرام اچ 4 لکھ خصوصی لوکاں کوں رجسٹرڈ کیتا ڳئے ، اے ڳال انہاں جمعے کوں لوکاں باہم معذوری دے عالمی ݙینھ دے حو??لے نال ایوان صدر اچ تقریب توں خطاب کریندے ہوئیں آکھی اے جیں دا موضوع ک??رو??ا وبا دے بعد دی دنیا اچ معذور لوکاں دی شمولیت، رسائی اتے پائیداریت دے حو??لے نال قیادت اتے شراکت ہئی ۔ صدر ??مل??ت ڈاکٹر عارف علوی آکھیے جو خصوصی ٻالاں دے حو??لے نال اساکوں آپݨی ذمے واریاں کوں سمجھݨا ہوسی، خصوصی ٻالاں کوں ترقی دے قومی دھارے اچ رلݨا چاہیدے ، لوک باہم معذوری دیاں چار قسماں ہن ، انہاں اچ سماعت، بصارت، عام جسمانی معذوری اتے ذہنی معذوری شامل ہن، سماعت، بصارت اتے عام جسمانی معذور لوک بئے شہریاں دے برابر ذہین ہوندن ۔ انہاں آکھیے جو خصوصی لوکاں دے معاملات تے معاشرے اچ ڳال تھیوݨی چاہیدی اے ، معاشرے دی ذمہ واری اے جو انہاں کیتے خصوصی کوششاں کرے اتے انہاں کوں سہولتاں ݙیوے ۔
خصوصی لوکاں کوں معاشرے دا مفید شہری بݨاوݨ کیتے تعلیم اتے ملازمتاں اچ ٻئے شہریاں دے مساوی اتے سازگار موقع ݙتے ونڄن ، صدر مملکت ڈاکٹر عارف علوی
مضمون کا ماخذ : مایا کا عروج
متعلقہ مضامین
