لاہور۔15 اگست(اے پی پی ) پنجاب دی 17ویں اسمبلی دے نویں منتخب ارکان اسمبلی بدھ دے ڈینھ بطور رکن اسمبلی اپنڑے عہدے دا حلف چا گھدا ، پنجاب اسمبلی دے سپیکر اتے ڈپٹی سپیکر دے عہدے سانگے انتخاب اج (خمیس ) کوں تھیسی ، نویں منتخب ارکان اسمبلی دی حلف برداری سانگے پہلا اجلاس مقررہ وقت ڈاہ وجے دی بجائے 45 منٹ دی تاخیر نال سپیکر رانا محمد اقبال خان دی صدارت اچ شروع تھیا ، مسلم لیگ (ن) دے سارے ارکان احتجاجاً بانہہ تے کالیاں پٹیاں بدھ تے شریک تھے ،، تلاوت کلام پاک اتے نعت رسول مقبول دے ب??د سپیکر رانا محمد اقبال نویں منتخب ارکان اسمبلی توں حلف گھدا جیں دے ب??د ارکان پنجاب اسمبلی ترتیب نال رول آف ممبر ز تے دستخط کیتے، اجلاس دے شروع توں پہلے ہی پی ٹی آئی تے (ن) لیگ دے ارکان نعرے ب??زی کریندے رہیے ،پی ٹی آئی دے ارکان اپ??ڑی قیادت دے حق ??چ نعرے لاتے جڈاں جو لیگی ارکان اسمبلی اپ??ڑی قیادت دے حق ??چ نعرے لاتے ، حکومت ولوں سپیکر دے عہدے سانگے نامزد امیدوار چوہدری پرویز الٰہی دی آمد تے لیگی تریمت ارکان انہاں دے خلاف شدید نعرے ب??زی کیتی جیں دے جواب اچ (ق) لیگ دے ارکان پرویز الٰہی دے حق ??چ نعرے لاتے ، چوہدری پرویز الٰہی ایوان اچ آمد دے ب??د اراکان اسمبلی توں انہاں دیاں سیٹاں تے ونج تے ہتھ ملایا ، ایوان اچ جاہ نہ ہوونڑ پاروں بہوں سارے ارکان اسمبلی ایوان دے حصے دے طور ت?? مختص گیلری اچ بیٹھے تے اتھائیں حلف گھدا ، ایوان اچ سپیکر اتے ڈپٹی سپیکر دے عہدیں تے انتخاب سانگے کاغذات نامزدگی دے شیڈول دا اعلان وی کیتا گیا جڈاں جو ڈوہیں عہدیں تے انتخاب اج (خمیس ) خفیہ ووٹنگ دے ذریعے تھیسی،ایندے علاوہ پنجاب اسمبلی دے اجلاس س??نگے سکیورٹی دے غیر معمولی انتظامات کیتے گے ہن ، پنجاب اسمبلی دے آسے پاسے سڑکاں عام ٹریفک سانگے بند رکھیا ں گیاں جڈاں جو نیڑے واقع عمارتوں تے سنائپرز تعینات رہیے، نویں منتخب ارکان اسمبلی دی سہولت اتے معلومات سانگے اسمبلی سےکرٹرےٹ دے داخلی دروازے دے نال استقبالیہ ڈےسک قائم کیتا گیا جتھاں موجود افسراں نویں منتخب ارکان اسمبلی دی رہنمائی کریندے رہیے جڈاں جو نویں منتخب ارکان کوں ہیں ڈیسک توں کارڈ جاری کیتے گے ۔
پنجاب دے نویں منتخب ارکان اسمبلی اپنڑے عہدے دا حلف چا گھدا
مضمون کا ماخذ : میگا ملینز کا بونس
متعلقہ مضامین
