اسلام آباد۔2اپرېل(اے پی پی) وزیراعظم عمران خان وئيلي دي د عدم اعتماد ناكامۍ لپاره مو منصوبه بندي كړې ٬ د هېواد په ضد بهرنې سازش په ډاګه شوې دې٬ د دې سازش په ضد به قوم له نن سولييز احتجاج كول وي٬ پاكستان د مضبوط پوځ له امله نن محفوظ دې٬ پوځ سره زما هېڅ اختلاف نشته٬ منحرف غړي به د غېر ملكي سازش برخه نه جوړېږي او نه به دوئي غدارانو ته ووټ وركوي ٬ دا هېواد دوه قوتونو يو موټې ساتلې دې يو پوځ او بل تحريك انصاف دې٬ د داسې خارجه پالېسۍ په حق كښې يمه كومه چې د پاكستان د اولس په ګټه وي٬ د پوځ د نيوټرل پاتې كېدو بيان هركلې كوم۔ د خالي په ورځ “ستاسو وزيراعظم تاسو سره” پروګرام كښې د خيالاتو څرګندونې كولو په مهال وزيراعظم ووئيل دا مهال پاكستان پرېكنده پړاؤ څخه تېرېږي٬ دا د پاكستان د سباؤن جنګ ٬ اولس دوه لارې دي يوه د تباهۍ لاره ده او بله د آزمائشونو او عظمت لاره ده٬ مونږ له به هغه لاره خپلول وي په كومه د تللو چې نبي علېه السلام امر كړې دې۔ ده ووئيل حكومت د بهرني سازش په بنياد او د دې ځائې د میر جعفرانو او مير صادقانو په مرسته د بدلولو هڅې روانې دي۔ په دې حالاتو كښې به ځوانانو له پرېكړه كول وي چې هغوي د دې سازش په ضد احتجاج وكړي۔ ده ووئيل ځوانان دې سولييز احتجاج وكړي ٬ د هېواد املاكو ته دې زيان نه رسوي۔ ده ووئيل په شهباز شريف د اربونو روپو د كرپشن كولو تورونه دي هغه وزير اعظمۍ لپاره شېرواني جوړه كړی ده۔ لاهور څخه د عائشه خان د پوښتنې په ځواب كښې وزيراعظم ووئيل زه به تر آخري بال مقابله كوم٬ زه به د دوئي مقابله كوم۔ زه غواړم اولس سولييز احتجاج وكړي ٬ د خپلو كوچنيانو د سباؤن لپاره بهر راوځۍ۔ ده ووئيل په غېر ملكي سازش كښې د شريك اپوزيشن لارښودو په ضد قانوني كارروائي كولو له وكيلانو سره ما مشاورت كړې دې په دې اړه به د شپې پرېكړه وكړؤ۔ د يوې بلې پوښتنې په ځواب كښې ده ووئيل د پی پی د كال 2008ء نه تر 2013ء دور كښې زمونږ د موجوده دوره نه زياته ګراني وه٬ نن په نړيواله كچه ګراني ده۔ ده ووئيل مونږ د تېلو قيمت كم كړې ٬ برآمداتو كښې تاريخي اضافه شوې ده٬ ټېكس محصولات زيات شوي دي۔ مونږ د برېښنا بيعه كمه كړه۔ د 250 اربه روپو اضافي ټېكس پېسه مو په اولس مصرف كړه۔ نيويارك څخه د شاهد رضا د پوښتنې په ځواب كښې وزيراعظم ووئيل د اوورسیز پاکستانیانو په مرسته د شوكت خانم خوب ريښتيا شو ٬ دوئي د پاكستان درد لرونكي خلك دي٬ اوورسيز پاكستان ته تكليف كېږي كله چې هغوي كرپټ واكمنو ته ګوري۔ ده ووئيل د ذوالفقار علی بھټو نه علاوه چا هم آزاده خارجه پالېسي نه ده رامخې ته كړې۔ زما هڅې دې هېواد لپاره دي ٬ خپل ذات لپاره نه۔ د يوې بلې پوښتنې په ځواب كښې وزيراعظم ووئيل زه د امريكا او هند په ضد نه يم٬ ټولو سره ملګرتيا غواړم خو زما خارجه پالېسي به د اولس د ګټو عكاسي كوؤنكې وي۔ د يوې بلې پوښتنې په ځواب كښی ده ووئيل دا هېواد مضبوط هېواد ته اړتيا لري٬ د نړۍ اسلامي هېوادونو سره چې كوم سلوك شوې او كومه تباهي شوې مونږ خوش قسمته يؤ چې زمونږ پوځ مضبوط دې ٬ نواز شريف او د ده لور دا پوځ په نښه كړې٬ زما پوځ سره هېڅ مسئله نشته ٬ د پوځ د غېر جانبدار پاتې كېدو بيان هركلې كوم ٬ پوځ سره هېڅ اختلاف نه لرم بياهم امر بالمعروف لپاره ټول قوم ته وايم چې هغه نېكۍ سره ودرېږي
د عدم اعتماد ناكامۍ لپاره مو منصوبه بندي كړې ٬ د هېواد په ضد بهرنې سازش په ډاګه شوې دې٬ منحرف غړي به د غېر ملكي سازش برخه جوړېږي او نه به دوئي غدارانو ته ووټ وركړي٬ د وزيراعظم عمران خان “ستاسو وزيراعظم تاسو سره” پروګرام كښی د خيالاتو څرګندونه
مضمون کا ماخذ : loteria estadual
متعلقہ مضامین
