لاهور 04 جون (اے پي پي) د اطلاعات او خپرونو وزير مملكت فرخ حبيب وئيلي دي حكومتي ادارو له په موجوده صورتحال كښې د كرونا وائرس د خپرېدو لاره نيول لوي چېلنج دے ٬ خو د حکومت غوره اقداماتو د لارې د وائرس د خپرېدو لاره نيولې شوې ٬ د نړيوالو تنظيمونو لخوا د حكومت د هلو ځلو ستائنه روانه ده، د وبائي رنځ لاره نيولو لپاره وزيراعظم عمران خان نېشنل كمانډ اېنډ اپرېشن سټنر جوړ كړے ٶ او دې سنټر د شمېرو په بنياد بهترين پرېكړې كړي۔ د اطلاعات او خپرونو وزير مملكت دا خبرې د پنجاب پوهنتون د ډوېلپمنټ اېنډ كميونېكشن او د ډيجيټل ميډيا څانګې تر سېوري لاندې په “كووېډ-19 كښې د پاكستان په ډيجيټل ورلډ كښې د هېلت لټرېسي او پبلك پاليسي” په سرخطر وېبينار ته وكړې۔ چې پكښې د قامي صحت پارلماني سېكرټرې ډاكټر نوشين حامد، وائس چانسلر پروفېسر ډاکټر نياز احمد، پرو وائس چانسلر پروفېسر ډاکټر سليم مظهر، د ډيجيټل ميډيا څانګې چيئرپرسن ډاکټرسويرا شامي،د ډويلپمنټ کميونيکيشن چيئرپرسن ډاکټر عائشه اشفاق، د فېکلټۍ غرو او زده كٶونكو آن لائن ګډون وكړو۔ وزير مملكت مياں فرخ حبيب ووئيل د ميډيا موثره لائحه او په دغې عملدرامد د وخت ضرورت دے دغسې چې په وګړو كښې شعور بېدارولو سره سره د ذمه وارۍ احساس راپېدا كړے شي۔ وزير مملكت په پوهنتونونو او اكېډميز زور رواړو چې د كرونا پحقله په اولس كښې شعور بېدارولو او د دې وباء مخنيوي لپاره په اېس او پيز عملدرامد كولو لپاره خپل كردار ولوبوي۔ ده ووئيل خَلق د كرونا په اېس او پيز عملدرآمد كولو لپاره چمتو كول يو ګران كار ٶ ۔ ده ووئيل حکومت د ټي وي چينلز، پرنټ ميډيا او ډيجيټل ميډيا د لارې د شعور بېدارولو بېلا بېل كمپائن چلولي او د كرونا خپرېدل لږ نه لږ كولو لپاره د ټولنې بېلا بېلې طبقې په دې كښې شاملې كړې شوې ۔ په دې موقع د پنجاب پوهنتون وائس چانسلر پروفېسر نياز احمد٬ پرو وائس چانسلر پروفېسر ډاکټر سليم مظهر٬ ډاکټر سويرا شامي او ډاکټر عائشه اشفاق هم وېنا وكړه۔
حکومت د غوره اقدامات د كرونا وائرس خپرېدو لاره نيولې۔ د اطلاعات او خپرونو وزير مملكت فرخ حبيب وېبينار ته وېنا
مضمون کا ماخذ : میگا مولا۔
متعلقہ مضامین
